صنع مبرمجه فلاشات 8 ارجل باقل تكلفه ووفر 500 جنيه بريسيفر باركلبس او هيروشيما او كيوماكس V1

بسم الله الرحمن الرحيم

دا شرح طريقة صنع مبرمجه فلاشات باقل تكلفه وتوفير 500 جنيه
لشحن فلاشات الريسيفرات واكسسات التي بي لينك بجميع انواعها
شرط توافر ملف الدامب الخاص بكل ريسيفر او اكسس
TPLINK-501 TPLINK-500
 TPLINK-701 TPLINK-741 TPLINK-743
TPLINK-801 TPLINK-841
TPLINK-901 TPLINK-941
ويمكنك البحث علي الانترنت لتحميل اي ملف فلاش او ملف دامب خاص باي جهاز تريده من الاجهزه سالفة الذكر
او يمكنك عمل واحد من اي جهاز اخر بحوزتك نفس الموديل
ملحوظه  ملف الفلاش او الدامي ليس معناه ملف السوفت ولكن ملف الفلاش هو نسخه من ايسي فلاش يحتوي علي كل ملفات النظام بما فيهم السوفت
(( يعني بالبلدي ملاقيش واحد جايبلي السوفت من الموقع بتاع الشركه وعاوز يعمله عالمبرمجه :D ))
في مدونتنا السكران التكنولوجيه سنوفر لك الشرح
مع تحميل اللودرات الخاصه بالريسيفر الباركلبس مع ارفاق شرح في ملفات التحميل

ودي صورة توضيحيه لايسي الفلاش اللي حضرتك هتخلعه بالهوت اير وتركبه علي قعدة الفلاشات او تلحمه في الريسيفر وخلاص لو معندكش قعده

لن اطيل عليكم اترككم مع الفيديو وملفات التحميل في اخر الشرح
اضغط بالاسفل لتشغيل الفيديو


لتحميل اللودر الخاص بالريسيفر بالاسفل
إقرأ المزيد bloggeradsenseo

تقوية اشارة الواي فاي WIFI عن طربق صنع عاكس للانتنا بطريقه سهله وبسيطه وبدون تكلفه

بسم الله الرحمن الرحيم

انا صورت شرح فيدو لطريقة تقوية اشاره الوايرليس
 عن طريق عمل عاكس خلف الاكسيز بوينت او خلف الانتنا
بطريقه سهله جدا ومش مكلفه نهائيا وفعاله في نفس الوقت

لتصبح في النهايه بهذا الشكل




اترككم مع شرح الفيديو لايصال المعلومه بشكل افضل



إقرأ المزيد bloggeradsenseo

طريقة تشغيل تشانل 14 علي اكسيزات tp-link tl-wa500g و tp-link tl-wa501g بدون مشاكل وبطريقة احترافية

بسم الله الرمحمن الرحيم

النهارده عاملكم شرح مصور ازاي اشغل تشانل 14
 علي الاكسيز بوينت 
tp-link tl-wa500g و tp-link tl-wa501g
بطريقة صحيحه وثابتة وقويه
ملحوظه السوفتات بتاعة الاكسزات موجوده اخر الشرح
اسيبكم مع شرح الفيديو بالاسفل



 


إقرأ المزيد bloggeradsenseo

طريقة اظهار او اخفاء برتيشن كامل من الدوس لحفظ ملفاتك وبياناتك من المتطفلين في مكان سري وامن




بسم الله الرحمن الرحيم

النهارده جايبلك شرح لطريقه اخفاء او اظهار بارتيشن كامل
بما فيه من ملفات لحمايتها والحفاظ عليها ايضا من المتطفلين

وقريبا ان شاء الله هشرح فيديو طريقه انشاء بارتيشن خاص
داخل القرص الصلب صغير الحجم مثلا ولنفرض 10 جيجا
لحفظ ملفاتك الضروريه والمهمه فقط من المتطفلين

اسيبكم مع الشرح



ملحوظه في صوره توضيحه بالاسفل

الطريقه بأختصار هيا فتح قائمه run
1- كتابه الامرdiskpart
ستظهر لك قائمه سوداء
2- اكتب فيها الامر list volume 
والامر دا وظيفته اظهار كل البارتيشينات او تقسيمات الهارد بتاعك
وكل جزأ له رقم وحرف يميزه عن غيره

3 - هنحدد البارتيشن المراد اخفائه ولنفرض مثلا انه بارتيشن E
وزي ما هيبان عندك بقا في القايمه السوده رقمه 4
ملحوظه كل جهاز فيه بارتيشنات مختلفه وارقام مختلفه

---ولتحديه هنقوم بتحديده برقمه في النظام لاحظ قولتلك برقمه
عن طريقه كتابه الامر select volume 4 مع مراعاة المسافات

4 - هنقوم بأخفاءه عن طريقه الامر remove letter e
ولو لاحظتو هنا ان الامر الاخفاء محدد البارتيشن بحرف وليس برقمه زي المره السابقه

اما بقا لو حبيتو تظهروه تاني هتعملو نفس الخطوات من الاول ولكن بدل امر الاخفاء هتكتبو امر الاظهارassign letter e

وبكدا انتهي الشرح ودي صوره توضيحيه لكل اللي عملناه






إقرأ المزيد bloggeradsenseo

طريقة تحويل روتر تي اي داتا te data لاكسيز بوينت وسويتش ومعالجه مشكله عدم سحب ايبي اوتوماتيك من الويرليس والسويتش




بسم الله الرحمن الرحيم


النهارده هنحول روتر تي اي داتا te data
الي اكسيز بوينت وتشغيل البورتات كسوتش
 ومعالجه عدم سحب ايبي اوتو ماتك للاجهزه

مش هطول عليكم اسيبكم مع الشرح




اولا هتروح ل basic وبعدين wan
وتطبق الاعدادات زي ما موجود في الصوره بالظبط

بعد كدا تضغط علي submit وبكدا نبقا خلصنا اول خطوه
ونروح تحت لتاني خطوه





نروح لتاني خطوه وهي قفل dhcb عشان خاطر ميحصلش قفله في الشبكه
في الخطوه دي اول حاجا هنروح basic وبعدين Lan
وتعمل الشرح زي ما في الصوره

كدا اتعشت يا زميلي ومبروك عليك :D
إقرأ المزيد bloggeradsenseo

طريقه وشرح نقل ملفات بين جهازين pc باستخدام كابل نت ببرنامج dukto




بسم الله الرحمن الرحيم

مش هطول عليكم النهارده جايبلكم شرح جميل جدا
لنقل الملفات بين جهازين او اكتر
بدون هارد خارجي او فلاش ديسك او ميموري
بطريقه امنه جدا بدون نقل فيروسات او خلافه
البرنامج اسمه dukto

كل اللي محتاجينه هو البرنامج وكابل نت

مش هطول عليكم وهسيبكم مع فيديو الشرح





لتحميل البرنامج كما في الشرح
الموقع الرسمي

إقرأ المزيد bloggeradsenseo

بالفيديو طريقة و برنامج لتنزيل نسخه xp و سفن 7 او اي اسطوانه صيانه من الفلاشه (winSetupFromUSB ) - YouTube



بسم الله الرحمن الرحيم

النهارده جايبلكم طريقة ازاي انزل نسخه من علي الفلاشه
سواء كانت سفن او اكس بي او اي اسطوانه تانيه مثلا اسطوانات صيانه او خلافه
عن طريق البرنامج الجميل win from usp





رابط لتحميل البرنامج



إقرأ المزيد bloggeradsenseo

الدخول علي الميكروتيك من اي مكان في العالم عن طريق موقع no ip و dnsomatic




بسم الله الرحمن الرحيم

درس النهارده زي ماهو واضح من العنوان انه بيتكلم عن الدخول للميكروتيك
 بطريقه سليمة واحترافيه وجديده

اول حاجا نعمل اكونت علي موقع

والشرح زي اللي في الصوره كدا


الخانه رقم
1 اكتب فيها اي اسم وخليك عارفه ولنفرض مثلا bedo55
2 اكتب فيها ايميلك ويفضل يكون جيميل اللي عنده ياهو ميضرش
3 و 4 اكتب فيهم اي باسورد
5 دي اهم خانه واكتب فيها اي اسم وياريت يكون سهل وتكون عارفه
 ولنفرض مثلا bedo ودا بقا اسمه الهوست نيم
وبكدا هيبقا شكل الهوست في الاخر bedo.ddns.net

احنا بنقول مثلا يا رجاله محدش يروح يعمل نفس الاسم ههههههههههههه
العلامه رقم 6 تحذير محدش يعلم عليها نهائي عشان الهوست يتعمل
وبعدين عملنا كل حاجا تمام
نروح تحت نضغط علي كلمة free sign up

 بكدا الاكونت اتعمل وكلو في الالسطه يا كبير
فاضل بس خطوه صغيره وهي انك هتفتح الايميل اللي انت كنت كتبته فوق عشان تفعل الحساب

هيجيلك رساله علي الايميل فيها لينك للتفعيل هتضغط عليه وبكدا الشغل عالي و100%
زي الفيس بوك بالظبط

 كدا خلصنا الخطوه دي وانتهينه منها

 نروح للخطوه رقم اتنين




 وهيا هنعمل ايميل عالموقع دا
www.dnsomatic.com/create

زي ما في الصوره

الخانه رقم 
1 هتكتب فيها اي يوزر برده زي ما عملنا المره اللي فاتت وياريت لو يكون نفس اللي فوق عشان منتلخبطش وننساه
2هتكتب فيها الباص وكلو تمام وبرده ياريت يكون نفس الباص
3 تروح تكتب فيها الايميل بتاعك والحياه حلوه
وبعدين تضغط عالزرار اللي تحت اللي اسمه create acount

 وبعدين هيقولك روح افتح الايميل وتفعل الحساب وطبعا هتسمع الكلام :D

 حلو اوي لحد كدا

 بعد ما تفعل هتروح فاتح الاكونت بتاعك فيه

 هتلاقيه جايبلك المنظر دا وبيقولك اختار الخدمه اللي تحبها

 طبعا هتختار الخدمه اللي احنا لسا عاملينها في الموقع التاني
no ip

وبعد ما نختار الخيار دا او الطماطم دي :D
هتلاقي جبلك الصفحه دي علي طول
هتعمل فيها زي ما هقولك

 الخيار رقم
1 هتكتب فيها اليوزر بتاع النو ايبي اللي عملناه في الاول خالص اللي قولنا عليه مثال
bedo55
الخيار 2 هتكتب فيه برضه الباسورد بتاع النو اي بي no ip
3 هتكتب فيه الهوست اللي كنا عملناه وقولتلك خليك فاكره لما قولتلك اكتب كلمه عارفهاهو دا الهوست bedo.ddns.net


وبعدين نضغط علي الزرار اللي انا معلم عليه رقم 4

 كدا احنا خلصنا شرح التسجيل في المواقع دا وكلو تمام 

 فاضل خطوتين في الروتر و المكيروتيك

 او خطوه واحده بس في الميكروتيك لو انت دامج بريدج

 المهم لو انت عامل الدمج عادي او معندكش دم اصلا 
قصدي دمج اصلا 
ههههههههههههههههههههههه

 هتروح تفتح بورت في الروتر للميكروتيك
بالبلدي كدا هتفتح شباك من الروتر للميكروتيك او توصيله للميكروتيك




 المهم هتبحث في جوجل علي طريقة فتح بورت علي حسب الروتر بتاعك
يعني مثلا هتروح تكتب طريقه فتح بورت في روتر تي اي داتا

 او روتر اتصالا او راوتر تي بي لينك

 اوي اي نوع راوتر انت شغال بيه ولو انت عامل دمج ياريت تفتح في كل الروترات

 وهتفتح بورت 8291
للايبي اللي السيستم واخده من الروتر
------------------------------------------------------------------------------------
هنعرف الايبي ازاي ؟؟؟؟ هنعرف من السيستم
زي ما في الصوره كدا

 هنروح 
ip>adresses
هنلاقي اننا دامج خطين اهو زي ما واضح 3 و 4
هفتح الراوتر الاولاني 192.168.1.1
وهفتح بورت بالرقم دا 8291
للايبي دا 192.168.1.5
 زي ماهو واضح فوق
وافتح الروتر التاني 192.168.2.1
وفتح نفس البورت 8291
بس للايبي دا 192.168.2.5

 كدا عنب اوووي وبكرر تاني وتالت متعملش الخطوه دي لو انت مشغل خطوطك بريدج
---------------------------------------------------------

 فاضل بس اخر خطوه بتاعة الرول وبكدا يبقا انتهيني ومبروك عليك يا معلم

 اول حاجا هتعدل شوية تعديلات بسيطه وتاخد الرول كله وترميه في النيو ترمنال وش
ومبروك عليك يا معلمه

 اول حاجا نشوف التعديل هيبقا ازاي
هتعدل علي 3 حجات انا معلملك عليهم بالاحمر
هتحط فيهم اليوزر والباص بتوع الموقع التاني اللي كنا سجلنا فيه اللي اسمه
 dnsomatic .com
وبعدين تحط الهوست بتاع موقع النو ايبي الاولاني
لما قولنا انه شكله هيبقا كدا مثلا يعني bedo.ddns.net

  وبعد كدا تبقا تاخد الرول كله كوبي وتحطه بيست في النيو ترمنال وبعدين تضغط انتر مرتين
واللي ميعرفش يعني ايه نيو ترمنال في صورة توضيحيه تحت

 الرول اهه يا بشوات

 /system script
add name=DNSoMatic policy=ftp,read,write,test,winbox,api source="# DNSoMatic a\
    utomatic DNS updates\r\
    \n\r\
    \n#--------------- Change Values in this section to match your setup -----\
    -------------\r\
    \n\r\
    \n# User account info of DNSoMatic\r\
    \n\r\
    \n:local maticuser \"user\"\r\
    \n:local maticpass \"pass\"\r\
    \n\r\
    \n# Set the hostname or label of network to be updated. This is the part a\
    fter the double colon (::) on the DNSoMatic services page.\r\
    \n# Hostnames with spaces are unsupported. Replace the value in the quotat\
    ions below with your host names.\r\
    \n# To specify multiple hosts, separate them with commas. \r\
    \n# Use \"all.dnsomatic.com\" for the matichost to update all items in dns\
    omatic with this IP.\r\
    \n\r\
    \n:local matichost \"host\"\r\
    \n\r\
    \n#-----------------------------------------------------------------------\
    -------------\r\
    \n\r\
    \n# No more changes need\r\
    \n\r\
    \n:global previousIP;\r\
    \n\r\
    \n:log info \"Fetching current IP\"\r\
    \n\r\
    \n# Get the current public IP using DNS-O-Matic service.\r\
    \n/tool fetch url=\"http://myip.dnsomatic.com/\" mode=http dst-path=mypubl\
    icip.txt\r\
    \n\r\
    \n# Read the current public IP into the currentIP variable.\r\
    \n:local currentIP [/file get mypublicip.txt contents]\r\
    \n\r\
    \n:log info \"Fetched current IP as \$currentIP\"\r\
    \n    \r\
    \n:if (\$currentIP != \$previousIP) do={\r\
    \n    :log info \"DNSoMatic: Update needed\"\r\
    \n    :set previousIP \$currentIP\r\
    \n    \r\
    \n# The update URL. Note the \"\\3F\" is hex for question mark (\?). Requi\
    red since \? is a special character in commands.\r\
    \n    :local url \"http://updates.dnsomatic.com/nic/update\\3Fmyip=\$curre\
    ntIP&wildcard=NOCHG&mx=NOCHG&backmx=NOCHG\"\r\
    \n    :local matichostarray;\r\
    \n    :set matichostarray [:toarray \$matichost];\r\
    \n    :foreach host in=\$matichostarray do={\r\
    \n        :log info \"DNSoMatic: Sending update for \$host\"\r\
    \n        /tool fetch url=(\$url . \"&hostname=\$host\") user=\$maticuser \
    password=\$maticpass mode=http dst-path=(\"dnsomaticupdate-\" . \$host . \
    \".txt\")\r\
    \n        :log info \"DNSoMatic: Host \$host updated on DNSoMatic with IP \
    \$currentIP\"\r\
    \n    }\r\
    \n}  else={\r\
    \n    :log info \"DNSoMatic: Previous IP \$previousIP and current IP equal\
    , no update need\"\r\
    \n}"
add name=ip policy=ftp,read,write,policy,test,winbox,api source=":global previ\
    ousIP;\r\
    \n:set previousIP \"\"\r\
    \n\r\
    \n:log info \"Cleared previousIP to force DNS-O-Matic update on next run.\
    \""

 /system scheduler
add disabled=no interval=1m name=DNSoMatic1 on-event=DNSoMatic policy=\
    ftp,read,write,test,winbox,api start-date=nov/02/2014 start-time=11:38:18
add disabled=no interval=1m name=ip on-event=ip policy=\
    ftp,read,write,policy,test,winbox,api start-date=nov/02/2014 start-time=\

    11:53:41

 بكدا انتهي الرول ولازم تاخده كوبي كامل
 وتحطه بيست في النيو ترمنال وبعدين تضغط انتر مرتين

ودي صورة توضيحيه

لما بقا تيجي تدخل علي الميكروتيك من برا الشبكه

 هتحط في الوين بوكس الهوست بدل الايبي بتاع السرفر

 زي الصوره دي كدا

 ملحوظه مش هينفع تدخل عالسر بالطريقة دي غير من برا الشبكه
والرول دا بينفع لنسخ الميكروتيك 5 او 6

إقرأ المزيد bloggeradsenseo
الاشتراك في: الرسائل (Atom)